රාජ්‍ය සේවය ශක්තිමත් කිරීමට අත්‍යවශ්‍ය බඳවා ගැනීම් 15,921කට අනුමැතිය ලැබී ඇති බව කැබිනට් ප්‍රකාශක, ඇමැති, වෛද්‍ය නලින්ද ජයතිස්ස මහතා පැවසීය.
රජයේ ප්‍රවෘත්ති දෙපාර්තමේන්තුවේ ඊයේ (18) පැවති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියකු නැඟූ ප්‍රශ්නයකට පිළිතුරු දෙමින් ඇමැතිවරයා මේ බව සඳහන් කළේය. පළමු කැබිනට් තීරණයෙන් 7,456ක්, දෙවැනි කැබිනට් තීරණයෙන් 5,882ක් ලෙස 13,338ක් හා ඊට හෙද නිලධාරීන් 2,218ක් ආයුර්වේද වෛද්‍යවරුන් 304ක් ඇතුළු 2,583ක් බඳවා ගැනීමට කටයුතු ආරම්භ කර සම්මුඛ පරීක්ෂණ ආරම්භ කර ඇති බව ද හෙතෙම කීවේය. නිසි ක්‍රමවේදයක් යටතේ පුරප්පාඩු බලා, භාණ්ඩාගාරයේ ඇති හැකියාව බලා අත්‍යවශ්‍ය සේවා සඳහා බඳවා ගැනීම් සිදු කරමින් සිටින බවත් ඒ මහතා පැවසීය.
මෙම පුරප්පාඩු අතර උපාධිධාරීන් බොහෝදෙනකුට ද අවස්ථා පවතින අතර අධ්‍යාපන ක්ෂ්ත්‍රයේ ද පුරප්පාඩු අනුව බඳවා ගැනීම් කටයුතු නිසි ක්‍රමවේදයකට අනුව සිදු කරන බවත් ඇමැතිවරයා පැවැසීය.
