சுங்கப் பரிசோதகர் பதவியில் II ஆம் தரத்திற்கு ஆட்சேர்ப்புச் செய்வதற்கான திறந்த போட்டிப் பரீட்சை – 2026

இலங்கை சுங்கத் திணைக்களத்தில் சுங்கப் பரிசோதகர் பதவியில் II ஆம் தரத்திற்கு ஆட்சேர்ப்பு செய்வதற்கான திறந்த போட்டிப் பரீட்சை – 2026 தொடர்பான வர்த்தமானி அறிவிப்பு வெளியிடப்பட்டுள்ளது.

இப்பதவிக்கான போட்டிப் பரீட்சைக்கு தகுதியுடைய இலங்கைப் பிரஜைகளிடமிருந்து விண்ணப்பங்கள் கோரப்பட்டுள்ளன. விண்ணப்பங்கள் Online முறையில் மாத்திரம் சமர்ப்பிக்கப்பட வேண்டும். விண்ணப்பங்கள் 2026 செப்டம்பர் 14 ஆம் திகதி காலை 9.00 மணி முதல் ஏற்றுக்கொள்ளப்பட்டு, 2026 ஒக்டோபர் 12 ஆம் திகதி மாலை 9.00 மணியுடன் நிறைவடையும்.

முக்கிய தகைமைகள்

இப்பதவிக்கு விண்ணப்பிக்கும் விண்ணப்பதாரர்கள் பின்வரும் அடிப்படைத் தகைமைகளைப் பூர்த்தி செய்திருக்க வேண்டும்:

இலங்கைப் பிரஜையாக இருத்தல்.
சிறந்த ஒழுக்கப் பண்புகளைக் கொண்டிருத்தல்.
விண்ணப்ப முடிவுத் திகதியன்று 18 வயதுக்குக் குறையாமலும் 24 வயதுக்கு மேற்படாமலும் இருத்தல்.
ஆண் விண்ணப்பதாரர்கள் குறைந்தது 5 அடி 5 அங்குலம் உயரம் கொண்டிருத்தல் வேண்டும். மார்பு விரிவடைந்த நிலையில் குறைந்தது 33 அங்குலம் சுற்றளவு இருக்க வேண்டும்.
பெண் விண்ணப்பதாரர்கள் குறைந்தது 5 அடி 3 அங்குலம் உயரம் கொண்டிருக்க வேண்டும்.

கல்வித் தகைமை

விண்ணப்பதாரர்கள் கல்விப் பொதுத் தராதர உயர்தரப் பரீட்சையில் ஒரே தடவையில் மூன்று பிரதான பாடங்களிலும் சித்தி பெற்றிருக்க வேண்டும்.

மேலும், கல்விப் பொதுத் தராதர சாதாரண தரப் பரீட்சையில் சிங்களம்/தமிழ் மொழி மற்றும் கணிதம் உள்ளிட்ட ஐந்து பாடங்களில் திறமைச் சித்தியும், ஆங்கில மொழியில் குறைந்தது சாதாரண சித்தியும் உட்பட மொத்தம் ஆறு பாடங்களில், இரண்டு தடவைகளுக்கு மேற்படாத வகையில் சித்தியடைந்திருக்க வேண்டும்.

சம்பளம் மற்றும் சேவை நிபந்தனைகள்

இப்பதவிக்கான சம்பள அளவுத்திட்டம் ரூ. 49,550 – 7 × 540 – 27 × 670 – ரூ. 71,420 ஆகும்.

இப்பதவி நிரந்தரமானதும் ஓய்வூதியத்திற்குரியதுமாகும். தெரிவுசெய்யப்படும் விண்ணப்பதாரர்கள் நியமனத் திகதியிலிருந்து மூன்று வருட காலத்திற்கு தகுதிகாண் நிலையில் வைக்கப்படுவர்.

நியமனம் பெறுவோர் நாட்டின் எந்தப் பகுதியிலும், தேவைக்கேற்ப பகல் மற்றும் இரவு நேரங்களிலும் சேவையாற்றத் தயாராக இருக்க வேண்டும்.

போட்டிப் பரீட்சையின் கட்டமைப்பு

பரீட்சை மூன்று வினாத்தாள்களைக் கொண்டதாக நடைபெறும்:

பொது உளச்சார்பு – 100 புள்ளிகள் – 1 மணி நேரம்
கணிதம் – 100 புள்ளிகள் – 1 மணி நேரம்
ஆங்கில மொழி – 100 புள்ளிகள் – 1½ மணி நேரம்

மொத்தம் – 300 புள்ளிகள்.

பொது உளச்சார்பு வினாத்தாள் விண்ணப்பதாரர்களின் மொழித் தேர்ச்சி மற்றும் தர்க்க ரீதியான சிந்தனைத் திறனை மதிப்பிடும் வகையில் அமையும். கணித வினாத்தாள் கணித அறிவை மதிப்பிடும். ஆங்கில மொழி வினாத்தாள் வாசிப்பு, எழுத்து, புரிந்துகொள்ளல் மற்றும் தொடர்பாடல் திறன்களை மதிப்பிடும் வகையில் தயாரிக்கப்படும்.

ஒவ்வொரு வினாத்தாளிலும் குறைந்தது 60% புள்ளிகளை பெற்றவர்கள் அடுத்த கட்டத் தெரிவுக்கு தகுதியடைவார்கள். எழுத்துப் பரீட்சையில் பெற்ற மொத்தப் புள்ளிகளின் அடிப்படையில் தெரிவுசெய்யப்படும் விண்ணப்பதாரர்கள் கட்டமைக்கப்பட்ட நேர்முகப் பரீட்சைக்கு அழைக்கப்படுவர்.

விண்ணப்பிக்கும் முறை

விண்ணப்பப் படிவம் ஆங்கில மொழியில் Online முறையில் மாத்திரம் பூர்த்தி செய்து சமர்ப்பிக்கப்பட வேண்டும். பூரணமற்ற விண்ணப்பங்கள் முன்னறிவிப்பின்றி நிராகரிக்கப்படலாம்.

பரீட்சைக் கட்டணம் ரூ. 600.00 ஆகும். கட்டணத்தை Credit Card, Online வசதியுள்ள Debit Card, Bank of Ceylon Online Banking/Flex App அல்லது Bank of Ceylon கிளை மூலம் செலுத்த முடியும்.

பரீட்சை நடைபெறும் காலம்

இப்போட்டிப் பரீட்சை 2026 டிசம்பர் மாதத்தில் நாடு முழுவதும் தெரிவுசெய்யப்பட்ட முக்கிய நகரங்களில் நடைபெறவுள்ளது. பரீட்சை நடைபெறும் சரியான திகதி பின்னர் பரீட்சைகள் ஆணையாளர் நாயகத்தினால் அறிவிக்கப்படும்.

விண்ணப்பங்களை சமர்ப்பிப்பதற்கான இறுதித் திகதி: 12.10.2026 – இரவு 9.00 மணி

தகுதியுடைய விண்ணப்பதாரர்கள் இறுதித் திகதி வரை காத்திருக்காமல், உரிய ஆவணங்கள் மற்றும் தகவல்களைத் தயார்படுத்தி, Online விண்ணப்பத்தை உரிய காலத்திற்குள் சமர்ப்பிப்பது முக்கியமாகும்.

Customs Inspector வழிகாட்டல் வட்ஸ்அப் குழுவில் இணைய – Click here

Download Gazette

Click here