මෙවර සාමාන්‍ය පෙළ විභාගයට පෙනී සිටි සිසුන් සඳහා උසස් පෙළ පන්ති ආරම්භ කිරීමට සියලු කටයුතු සූදානම් කර ඇති අතර උසස් පෙළ පන්ති ජුනි මස 04 වැනිදා ආරම්භ වන බව අධ්‍යාපන අමාත්‍යාංශය දැනුම් දෙයි.
මේ සම්බන්ධයෙන් චක්‍රලේඛයක් පළාත් අධ්‍යාපන බලධාරීන් වෙත යවා ඇති බවත්, තොරතුරු නොලැබුණු විදුහල්පතිවරුන්ට අවශ්‍ය තොරතුරු ඒ ඒ පළාත් සහ කොට්ඨාස කාර්යාලවලින් ලබාගත හැකි බවත් අධ්‍යාපන අමාත්‍යාංශය දන්වා සිටී.